FARMING TIPS  

Gabay sa Pagtatanim ng Super Peanut

Uri ng Binhi

Klase ICGV 88480 ICGV 88392 ICGV 88406

Bilang ng Araw 120 araw 120 araw 120 araw

Lupang Taniman

Mainam na itanim ang mani sa mabuhaghag na lupa tulad ng loam, sandy, silty loam at sandy clay loam.

Panahon ng Pagtatanim

Mainam na itanim ang mani kahitna anong buwan sa buongtaon, ngunit, higit na marami ang aanihin kung sa panahon ng tagaraw (Oktubre-Enero) magtatanim.

Paghahanda ng pagtatanim

Araruhin at suyuriin ang lupa ng 2 beses. Maglagay ng mga tudling na 50 sntimetro ang pagitan.

Pag-iinokula sa Binhi

Gumamit ng Rhizobium strain sa pag-iinokula. Isang pakete (100 gramo) ay sapat na sa 50 kilogramong buto ng mani. Gumamit ng sapat ng lalagyan ng nabalatang buto para sa madaling paghahalo. Basain ang buto at ihalo ang tamang dami ng inokula. Paghaluing mabuti ang mga buto ng mani sa pag-iinokula. Huwag ibilad ang mga ito sa araw. Itanim kaagad ang mga buto pagkatapos mainokulahan.

Pagtatanim

Ang 100 kilogramo ng binhing buto ng mani na walang balat ay sapat na sa isang ektarya. Maglagay ng 1-2 buto bawat butas (hill) na may pagitang 20 sentimetro bawat butas. Maari ring ibudbod ang mga buto, 5-6 na buto sa bawat isang metro.

Paggamit ng Abono

Maaring maglagay o hindi ng pataba. Kung gagamit ng pataba sundin ang alinman sa mga susmusunod.

• Maglagay ng apat (4) na sakong abono (14-14-14) sa bawat ektaryang pagtatanim o, makalipas ang 14 na araw pagkatanim. Ibudbod ang pataba malapit sa halaman at tabunan ng mga 2-3 sentimetrong lupa.
  
• Maglagay ng kompost tulad ng binulok na dayami, damo o dumi ng manok(chicken manure) sa unang pagsusuyod upang maihalo itong mabuti sa lupa.
  

Pag-aalis ng Damo at Pagbubungkal

Dukalin nang mababaw ang pagitan ng mga tanim dalawang lingo pagkatubo at alisan ng damo.

Pagpapatubig

Sapat na ang limang beses na pagpapatubig sa buong panahon ng paglaki ng mga tanim:

Una	Bago Magtanim

Pangalawa

Dalawang linggo (2 weeks) pagkangit ng binhi sa taniman

Pangatlo

Kalagitnaan ng pamumulaklak

Pangatlo

Panahon ng paglalaman

Pangatlo

Panahon ng pagaani

Pangangalaga laban saPeste at Sakit

Peste/Sakit

Imunumungkahing Pestedisyo/Gamot

Dami ng Gamot kada 16 litrong tubig

Kailan at Papaano Isasagawa

A. Peste    Leafhopper  Aphids  Leafroller B. Sakit  Damping-off  Cercospora  Leafspot  Leafrust

Brodan 31.5 EC  Sevin 85 S  Ascend 50 SC  Seleron 50 EC  Karate  Benlate 50 WP  Dithane M-45  Daconil 75 WP

2.5 - 3.5 tbsp.  4.0 - 6.0 tbsp.  2.0 - 3.0 tbsp.  3.0 - 5.0 tbsp.  1.0 - 1.5 tbsp. 125 g/50 kg ng buto  4.0 - 6.0 tbsp.  4.0 - 6.0 tbsp.

Magbomba ng Gamot kung may pinsala nang napapansin.   Ihalo sa buto bago itanim. Magbomba kung may napapansin ng sakit

Pag-aani

Anihin ang mga mani sa sandaling ito ay gumulang na. Ilan sa mga palatandaan na maari nang anihin ang mga mani ay ang mga sumusunod:

a. Ang mga dahon ay unti-unting nalalagas, natutuyo at nananilaw.

b. Ang laman ay kulay kayumanggi at

k. Ang laman aty unti-unting naghihiwalay

Tingnan ang bilang ng araw na dapat anihin ang mani. Anihin sa pamamagitan ng pag-aararo sa pagitan ng mga tudling, sunod ang pagbunot sa tanim.

Pag-iipon at Pagbibilad

Ipunin ang mga nabunot na mani at ilagay sa isang malilim na lugar. Ihiwalay ang mga laman nito. Ibilad at paarawan sa loob ng 3 hanggang 5 araw.

Pag-iimbak

Ilagay sa sako. Isalansan sa isang lugar na nahahanginan at hindi nababasa.

Pagbebenta

Ang Mani ay maaring ibenta sa mga pamilihang bayan.